جميع الاسئلة الموسومة بـ انتباه وتركيز

مساء الخير انا حاسة ان ممكن الاقي حل هنا للمشكلة اللي عندي عندي بنتين ٩ و ٧ سنوات الاتنين شخصيتهم عكس بعض بس المشكلة في الكبيرة مش الصغيرة علي طول محتاجة توجيه في كل التصرفات امشي عدل اقعدي عدل مغرمة بالكارتون والايباد والالعاب الالكترونية والرسم مبتعملش حاجة غيرهم تصحي ممكن متغسلش وشها وتمسك ايباد او تشغل تليفزيون علي قناة كارتون نيتورك طريقة كلامهم وتصرفاتهم مصطنعة كدة بمنع عنها كل دة كتييير جدا مبخليهاش تمسك ايباد او تليفزيون اغلب الوقت بس مش حل للتوهان اللي هي فيه علي طول مش مركزة و سرحانة ف كارتون او اي حاجة تانية ممكن ابقي بكلمها ف حاجة مهمة ولازم تعملي كذا و كذا تسألني هو سمك النسر بيقدر يشيل مثلا معزة او خروف اي حاجة تخليني اطلع عن شعوري وانفعل في ثانية اللي هو بتكلم ف اية وانتي ف اية كل اللي حوالينا اخدو عنها انها في دنيا لوحدها مش معانا بتدرب سباحة ومتقدمة جداا و واخدة ستارات بس مرت علي اكتر من ٧ او ٨ كباتن وكلهم نفس الشكوي منها مبتركزش بتسرح ومش عندها اي حاجة عضوية تستدعي دة عشان الي هيقولي اديها اوميجا ٣ والكلام دة حللت لها صحتها ماشاء الله كويسة مفيش انيميا بتاكل كويس جداااا انا مش عارفة اظبط سلوكها مش لبقة ممكن تمشي في الشقة تعمل صوت سوري بالشبشب وكذلك برا بالكوتشي ممكن انبها كل دقيقتين تلاتة و لما باجي اكلمها تتحج جربنا معاها كل السكك الصح والغلط عشان تتظبط وكمان كان في معارف في علم النفس وسلوكيات الطفل ومنفعش برجع انفعل جربت اشجع واحب واحضن واخليها تشاركني مفيش جربت اضرب مفيش بقي يجيب نتيجة عكسية بس غصب عني بتغاظ منها اووي انا وصل معايا الامر اني بقيت احس انها مش بنتي اللي خلفتها واول فرحتي بقيت احس اني مرات ابوها واقفالها عالحركة ومش طايقاها مشكلتها بقت فيا لاني مضايقة من الشعور اللي حاساه تجاه بنتي بقت حاسة اني متغاظة منها دايما وعلي استعداد التقطيم كل شوية ماهو مفيش فايدة دة حتي رباط الكوتشي مش عارفة تعملة والتانية الصغيرة ممكن تحضر عشا كامل لينا ممكن اقولها اعملي بالمكنسة تعملي كاني انا اللي بعمل مش شغل عيال وتعيدي وراها الكبيرة لا لازم تبقي واقفة قصدها اعملي هنا وهنا ياما تكروت عشان تخلص وخلاص وطبعا كل دة تحت ملاحظتي مش بسيبهم يعملو حاجة منعا لحدوث اي خطر انا عارفة اني طولت بس اعمل اية مضغوطة والمدارس داخلة بخاف عليها فيها الطمع و بحس انها هبلة ممكن يضحك عليها وبتضيع حاجاتها عادي جدااا ومتفتكرهاش انا تعبت .........

الكثير من الامهات نصحو بشيء اسمه ستيكولين citicoline. لمدى فاعليته في زيادة ادراك الطفل. لكن هل هو دواء ام هو مكمل غدائي؟...