هل بنتي فيها توحد؟؟

الله يجزاكم الجنه علي هالموقع الرائع وبصراحه انا ارسلت لكم هالرساله وانا قلبي علي نار واتمنى اي بصيص امل ان بنتي ماتعاني من التوحد.. مشكلتي هي ان بنتي عمرها الان سنه وثمان اشهر ماتتكلم الا تقول بابا وماما ونانايعني تبي حليب وماما وبابا تقولهم مع اغنيه من اناشيد الاطفال بالتلفزيون وماتحط عينها بعيني الا نادرا واذا ناديتها ماترد علي ابدا الا لمااناديها بأكثرمن طريقه وبكذا صوت يعني مثلا اناديها توته توتانا تووته الماما تووووووووووته بعد التكرار كذا مره تطالعني بسرعه وتصد وجهها , وعندها حركه ترمش بعيونها تغمضهم بقوووه وتفتحهم مادري هل هذي الحركه لعبه او شنو بالضبط واي طفل ياخذ العابها من يدها تسكت ماتقول شي واي طفل يضربها ماتدافع عن نفسها ابدا وهالشي يحزنني كثيراااا وتحب قنوات الاطفال حتى بالسياره اشغل لها dvd واحط لها اناشيد الاطفال بالصور مع العلم هذي اول طفله لي وانا حرمت من الاطفال لـ 20 عام وماعندي اطفال بسنها يلعبون معها ودخلتها حضانه فكانت المدرسات يتصلون علي يقولون ان بنتي ماتسمع لانهم ينادونها وماترد وانها عنيده وانها ماتلعب بالزحليقه الا لما تفضى من الاطفال يعني تحب تلعب بروحها فعرضت بنتي علي دكتوره تخاطب وقالت بهالعمر مايبين ان كان فيه توحد او لا ولكن اخذت حصتين تدريب لبنتي واشتريت لها العاب القدرات واحاول اني احرمها من القنوات اللي تحبها طالما اني العب معاها بالعاب القدرات او اكلمها بس تكسر خاطري وارجع اشغل لها القنوات اللي تحبها واحاول اساعدها وبصراحه انا محتاره مو عارفه هل بنتي فيها توحد او لا وياليت لو كان فيه دكاتره ممتازين بالكويت متخصصين بهالمرض اعرض بنتي عليهم ليطمئن قلبي ياليت ماتبخلون علي فيهم ولكم جزيل الشكر بارك الله فيكم..