انا تائهه بإبي اريد ان اعرف ايش مشكلة طفلي

السلام عليكم ورحمة الله وبركاته طفلي يبلغ من العمر 3 سنوات و4 اشهر, طفلي الاول, عنده تأخر في النطق مقارنه بمن هم في عمره, لكن كلماته واضحه ومفهومه, متعلق فيني كثييير, لاني ابدا ما اقدر ارفض له شي وغالبا مايمشي اوامره علي, لمن يبغى حاجه واحنا رافضينه يبكي كثير الى ان يصدع راسه خاصه لمن نرجع للبيت بعد مشوار لانه يحب ركوب السياره, يحب الناس حتى الاغراب يحاول ان يتحاور معهم لكن لايملك القدره فمجرد ان يسالونه عن شي يكرر ماسمعه منهم او يتكلم كلام غير مفهوم لكن لما يأشرو على شي ويسالونه عنه يجيب بس لما يبدأو بيحكوله شيئ او بيتحاورو معه في حاجه ممكن يمشي ويخليهم وممكن يبقى معاهم بس ذهنه مشغول وقليل يتجاوب معهم, لما اناديه لايرد علي بنعم بل ياتي الي حيث اكون متواجده, مشاركته في اللعب مع الاطفال قليله نوعا ما وقد يكون ذالك بسبب كثرة حركته وقلة تركيزه لانه كثير الحركه واذا اردت ان اخبره بشئ لابد بان تكون عيني في عينه لانه سريع التشتت , عنيداحيانا وبقوه, ابدا مايحب اني اكون زعلانه منه لانه اذا عمل شي غلط اقوله انه كذا لا وانه انا زعلانه وما ابتسم له ويجي لعندي يقول ماما ماما بعدين التفت له ويقولي شاطر ( يعني هو شاطر)وابتسم له وخلاص, احسه مرررره صعب اتعامل معاه لانه احيانا يتضايق من حاجه ماادري انا ايش هيه كذا فجأه تصير له,عاطفي وحساس بزياده,يطلب مني الحمام لاني من صار عمره3 سنوات علمته على الحمام والحمدلله استجاب بس بالنوم يلبس الحفاظ, لما اطلب انه يجيب حاجه من مكان يستجيب بشرط انها تكون واضحه ويكون هو يبي يجيبه لانه احيانا يعاند ولا يستجيب لاوامري, يحب القراءه كثير لدرجة اي كلمه يشوفها في جريده او تلفزيوناو في علبه يقولي ماما ابي اقرا علشان انا اقولها له بعدين خلاص يصير عارفها, فمثلا عنده قصص للاطفال قريته له مرتين او 3 فقط بعدين صار هو يتصفح القصه ويقراها كامله,يعرف ينطق الحرف العربيه كلها والارقام عربي الى 30 انجليزي الى 10 وكمان يعرف مرادف لاسماء بعض الحيوانات بالانجليزي كذالك يعرف يقرا اسما شركات بعضها بالعربي وبعضا انجليزي وهواكثر مايكون انه حافظ الكلمه شكلا, وهو سريع الحفظ فمثلا يسمع شريط قران بالسياره لما نرجع البيت يجلس يكرر الايات اللي سمعها وكمان لما انا اقرا معه بعض السور يحفظها بسرعه بعد 3 مرات فهو الان يحفظ 8 سور من القران الكريم,الحقته الان بروضه عاديه لكن فيها قسم اخر يهتم بصعوبات التعلم فاول اسبوعين ماحكو لي عنه شي لاني كل ماسالتهم عنه قالو لي لسه بدري نستنى كمان اسبوعين ونشوف بعدين قالت لي المدرسه انه اندفاعي ويمل بسرعه يعني لما تسال الطلاب عن شي ومايكون السؤال موجه له يجاوب وكذالك اذا شاف الوسائل التعليميه مع المدرسه يتحمس بس اذا كان مافيه يمل ويجلس يبكي فلما رحت لقسمهم الثاني قالت لي وهي اخصائيه نفسيه انه على حسب ماقالت المدرسه تبع طفلي انه مندفع ويمل بسرعه وانه يستجيب للدرس بغض النظر عن قوة وفترة استجابته وقالت انه الاندفاعيه قد تكون سمه في شخصيته او فرط حركه وانه لازم فتره من شهرين الى سته علشان نقيمه صح فهي تشوفه وتسال المدرسه حقته وتعمله جلسات وبعدين يوضح ايش المشكله, وانا لمن يجي البيت اساله ايش سويت اليوم في المدرسه واقوله اسماء مدرساته واصحابه علشان يفتكر اي شي من جو المدرسه ويقول لي اياه فاحيانا يتجوب معي واحيانا يكون هو جالس يكرر انشوده اولعبه سووها بالمدرسه واصلا السبب في اني ادخله الروضه لانه اي طبيب نروح له يقول اول دخلوه روضه في البدايه كان عمره سنتين وكان مصاحب معاه بعض صفات التوحد مثل تدوير العجلات ودورانه حول نفسه ودورانه حول شي وقالت الطبيبه انه عنده بعض صفات التوحد بس بدري انه نحكم عليه الان على الاقل الى مايصير عمره 3 سنوات وبعد فتره وديته لطبيب اخر وقال استبعدو التوحد ممكن يكون فرط حركه وتشتت انتباه وقد يكون فرط الحركه اللي عنده طبيعي في هذا العمر وقبل ايام كان عن طفلي التهاب في الاذن وذهب الى استشاري اطفال وكان طفلي جالس ويكرر كلام مفهوم بس ليس له مناسبه فسالني الطبيب هل عنده توحد قلت ما ادري البعض قال ممكن والبعض الاخر قال لا ثم قال ممكن يكون اسبرجر وقال هذا الشئ في جلسه لاتتعدى 6 دقائق ؟؟؟ سؤالي انا تائهه ابي اعرف ايش مشكلة طفلي علشان اعرف ايش الحل؟ وجزاكم الله خير الجزاء